'എന്നോട് ഗോത്രം ഏതാണെന്ന് ചോദിച്ചു; ജീവിതത്തിൽ ആദ്യമായാണ് അങ്ങനെയൊരു ചോദ്യം കേട്ടത്'

തമിഴ് സിനിമയുടെ ചിത്രീകരണത്തിനായി ഈറോഡിലെ ഒരു ഗ്രാമത്തിൽ കഴിഞ്ഞപ്പോൾ നേരിട്ട വ്യത്യസ്തമായ അനുഭവത്തെക്കുറിച്ച് നടി ഐശ്വര്യ ലക്ഷ്മി തുറന്നുപറഞ്ഞു. ഒരാൾ തന്റെ ഗോത്രം ഏതാണെന്ന് ചോദിച്ചതാണ് തനിക്ക് ഏറെ അസ്വസ്ഥതയുണ്ടാക്കിയതെന്ന് താരം പറഞ്ഞു. ജീവിതത്തിൽ ആദ്യമായാണ് അത്തരമൊരു ചോദ്യം നേരിടുന്നതെന്നും ഐശ്വര്യ വ്യക്തമാക്കി. എന്നാൽ ആ പ്രദേശത്തിന്റെ സംസ്കാരത്തിന്റെയും ജീവിതരീതിയുടെയും ഭാഗമായിരിക്കാം അതെന്നും, എല്ലാവരെയും ഒരേ രീതിയിൽ വിലയിരുത്താനാകില്ലെന്നും അവർ കൂട്ടിച്ചേർത്തു.