മുടക്കുമുതൽ തിരിച്ചുപിടിക്കാനാകാതെ 'ടോക്സിക്'; ഇന്ത്യയിൽ നിന്നും നേടിയത് 243.40 കോടി മാത്രം

യാഷ് നായകനായി ഗീതു മോഹൻദാസ് സംവിധാനം ചെയ്ത ‘ടോക്സിക്: എ ഫെയറി ടെയിൽ ഫോർ ഗ്രോൺ അപ്സ്’ ബോക്സ് ഓഫീസിൽ പ്രതീക്ഷിച്ച മുന്നേറ്റം തുടരാൻ കഴിയാതെ പ്രതിസന്ധിയിലായതായി റിപ്പോർട്ട്. ഇന്ത്യയിൽ നിന്ന് ചിത്രം 243.40 കോടി രൂപയുടെ നെറ്റ് കലക്ഷനും ലോകമെമ്പാടുമായി ഏകദേശം 334.50 കോടി രൂപയുടെ ഗ്രോസ് കലക്ഷനും നേടിയെന്നാണ് റിപ്പോർട്ട്. എന്നാൽ 500 മുതൽ 1000 കോടി രൂപ വരെയെന്നാണ് റിപ്പോർട്ട് ചെയ്യപ്പെടുന്ന നിർമാണച്ചെലവ്. അതിനാൽ നിലവിലെ കളക്ഷൻ കണക്കുകൾ പ്രകാരം ചിത്രം മുടക്കുമുതൽ തിരിച്ചുപിടിക്കുന്നതിൽ പിന്നിലാണെന്നാണ് വിലയിരുത്തൽ.