ദേശീയ പുരസ്‌കാരം സ്വപ്നമായിരുന്നു; ഫെമിനിച്ചി ഫാത്തിമയുടെ നേട്ടത്തിൽ വികാരാധീനനായി ഫാസിൽ മുഹമ്മദ്

ഫെമിനിച്ചി ഫാത്തിമ മികച്ച മലയാള ചിത്രത്തിനുള്ള 72-ാമത് ദേശീയ ചലച്ചിത്ര പുരസ്‌കാരം നേടിയതിൽ അതിയായ സന്തോഷമുണ്ടെന്ന് സംവിധായകൻ ഫാസിൽ മുഹമ്മദ് പ്രതികരിച്ചു. ഒരു സിനിമാകാരനെന്ന നിലയിൽ ദേശീയ പുരസ്‌കാരം നേടുക എന്നത് വലിയ സ്വപ്നമായിരുന്നുവെന്നും, ഈ അംഗീകാരം സിനിമയ്ക്കായി പ്രവർത്തിച്ച മുഴുവൻ ടീമിനുമുള്ളതാണെന്നും അദ്ദേഹം പറഞ്ഞു. പ്രേക്ഷകരുടെയും സഹപ്രവർത്തകരുടെയും പിന്തുണയാണ് ഈ നേട്ടത്തിന് കരുത്തായതെന്നും ഫാസിൽ കൂട്ടിച്ചേർത്തു.